Солонгосын виз шалгах: визний хариугаа 2 минутад
Материалаа өгчихөөд хариугаа хүлээж байна уу? Зуучлагч руу залгах, визний төв дээр очих шаардлагагүй. Паспортынхаа дугаараар албан ёсны системээс өөрөө шалгана.
Хурдан хариулт
Солонгосын визний хариуг visa.go.kr (БНСУ-ын Хууль зүйн яамны албан ёсны Korea Visa Portal) дээр шалгана. Check Application Status & Print цэсийг сонгоод, Passport No. хувилбараар паспортын дугаар, нэр (Овог Нэр), төрсөн огноогоо оруулахад хариу шууд гарна. Үнэ төлбөргүй, бүртгүүлэх шаардлагагүй.
visa.go.kr нээх ↗Доор алхам бүрийн зурган заавар, төлөв тус бүрийн утга байна.
Алхам 1: Албан ёсны Korea Visa Portal сайт руу нэвтрэх
Хамгийн түрүүнд БНСУ-ын Хууль зүйн яамны албан ёсны визний шалгалтын цахим хуудас руу орох шаардлагатай.
Цахим хаяг
www.visa.go.kr💡 Зөвлөмж: Сайт руу ороход солонгос хэлээр байвал баруун дээд буланд байрлах "ENGLISH" товчийг дарж хэлээ солиорой.
Алхам 2: "Check Application Status" цэс рүү орох
Сайтын зүүн талын үндсэн цэснээс дараах дарааллаар орно:
- 1Check Application Status (Визний төлөв шалгах) дээр хулганаа аваачих.
- 2Доор нь гарч ирэх Check Application Status & Print сонголтыг дарах.
Алхам 3: Өөрийн мэдээллийг зөв бөглөх
Энэ хэсэгт хүмүүс хамгийн их алддаг тул дараах зааврыг яг таг дагаарай:
- 1
Type of applications
Үүнийг хэвээр нь буюу "Diplomatic office" (Элчин сайдын яам) дээр үлдээнэ.
- 2
Select
Сонголтоос "Passport No." (Паспортын дугаар)-ыг сонгох нь хамгийн хялбар байдаг.
- 3
Application No / Passport No
Өөрийн гадаад паспортын дугаарыг (жишээ нь:
E1234567) том үсгээр оруулна. - 4
Name in English
Нэрийг паспорт дээр бичигдсэн шиг том үсгээр, Овог Нэр дарааллаар бичнэ. Жш:
BAT BOLD - 5
Date of Birth
Төрсөн оноо сонгоно. (Формат: ЖЖЖЖ-СС-ӨӨ / Жш:
1995-05-20)
Мэдээллээ бүрэн оруулсан бол баруун талд байрлах Search (Хайх) товчийг дарна.
Визний хариуны төлөвүүд юуг илэрхийлдэг вэ?
"Search" товчийг дарсны дараа хуудасны доод хэсэгт таны визний мэдээлэл болон Application Status (Визний төлөв) харагдах болно.
| Визний төлөв | Утга учир | Арга хэмжээ |
|---|---|---|
| No search data found | Мэдээлэл олдсонгүй | Нэр, паспортын дугаараа дахин шалгах. Материал шивэгдээгүй байж болно. |
| Application Received | Материал хүлээн авсан | Таны материалыг системд бүртгэж авсан байна. |
| Under Review | Шалгаж байна | Консул таны материалыг судалж байна. Хүлээнэ үү. |
| Approved ✅ | Виз олгогдсон 🎉 | "Certificate" товчийг дарж Visa Grant Notice-ийг хэвлэж авна. |
| Denied ❌ | Татгалзсан | Шалтгааныг тусгай хуудаснаас харах боломжтой. |
💡 Анхаарах зүйл: БНСУ нь 2020 оноос эхлэн паспорт дээр визний наалт наахаа больсон. Хэрэв таны виз "Approved" болсон бол тус системээс Visa Grant Notice (Визний хуудас)-ыг хэвлэн авч, биедээ авч явах ёстойг анхаарна уу.
Виз гарсан уу? Дараагийн алхам
Approved болсон бол Visa Grant Notice-оо хэвлэж, e-Arrival Card-аа бөглөнө. Гурав дахь зүйл нь интернэт: Инчонд буумагц газрын зураг, KakaoTalk, такси дуудах — бүгд дата шаардана.
eSIM-ээ Монголд байхдаа авч, QR кодоо урьдчилж суулгачихвал буудал дээр дараалалд зогсох, үнэтэй сим худалдаж авах шаардлагагүй. Онгоцноос буумагц шууд ажиллана.
Түгээмэл асуултууд
❓ Солонгосын визний хариу хэд хоногт гардаг вэ?
Визний төрөл, элчин сайдын яамны ачааллаас хамаарна. Ихэвчлэн ажлын 10–21 хоног зарцуулдаг бөгөөд зуны амралт, баярын улиралд үүнээс уртасдаг. Хариу гармагц visa.go.kr дээр шууд харагдана — тусад нь мэдэгдэл ирдэггүй тул өөрөө шалгах хэрэгтэй.
❓ Мэдээллээ зөв оруулаад байхад 'No search data found' гараад байна, яах вэ?
Материалаа өгөөд 1–3 хоносон бол системд шивэгдэж амжаагүй байх магадлалтай — маргааш дахин үзээрэй. Мөн нэрээ Овог Нэр (жишээ нь DUNVAA BOLD) гэсэн дарааллаар сольж, паспортын дугаараа том үсгээр бичсэн эсэхээ шалгана уу.
❓ Элчин сайдын яамны сайтаас шалгах уу?
Үгүй. Визний хариуг БНСУ-ын Хууль зүйн яамны нэгдсэн систем болох visa.go.kr дээр шалгана. Элчин сайдын яам, виз мэдүүлгийн төв дээр тусад нь шалгах хуудас байдаггүй. Зуучлагч руу залгах, биеэр очих шаардлагагүй бөгөөд шалгах нь үнэ төлбөргүй.
❓ Виз гарсан эсэхийг яаж мэдэх вэ?
Application Status талбарт Approved гэж гарвал виз олгогдсон гэсэн үг. Denied бол татгалзсан, Under Review бол консул хараахан шийдээгүй байна. Approved болмогц Certificate товчийг дарж Visa Grant Notice-оо татаж авна.
❓ Виз Approved болсон бол дараа нь юу хийх вэ?
БНСУ 2020 оноос паспорт дээр визний наалт наахаа больсон тул Visa Grant Notice (визний хуудас)-ыг заавал хэвлэж, биедээ авч явна. Онгоцонд суухаас өмнө үүнийг шалгадаг. Мөн Солонгост нэвтрэхийн өмнө e-Arrival Card бөглөх шаардлагатай.
❓ Виз татгалзсан бол шалтгааныг нь харж болох уу?
Болно. Denied төлөв дээр дарж татгалзсан шалтгааны кодыг харах боломжтой. Дахин мэдүүлэхийн өмнө тухайн шалтгааныг арилгасан байх шаардлагатай — ижил материалаар шууд дахин өгөх нь ихэвчлэн үр дүнгүй.
❓ Гар утаснаасаа шалгаж болох уу?
Болно. visa.go.kr нь гар утасны хөтчөөр ажиллана, тусдаа апп суулгах шаардлагагүй. Сайт солонгосоор нээгдвэл баруун дээд буланд байрлах ENGLISH товчийг дарж хэлээ солино.
❓ Латинаар «solongos viz hariu shalgah» гэж хайвал ижил зүйл үү?
Тийм. Кирилл, латин аль бичлэгээр хайсан ч албан ёсны шалгах хаяг нь ганц — visa.go.kr. Өөр домэйн дээр төлбөр нэхэж байвал энэ нь албан ёсны биш тул мэдээллээ бүү оруул.